ကလိုင်မိုင်ဒီယား (Chlamydia) ဟာ ကလိုင်မိုင်ဒီယား ထရာခိုမက်တစ် (Chlamydia trachomatis) လို့ခေါ်တဲ့ ဘက်တီးရီးယားပိုးကြောင့် အဖြစ်များတဲ့ လိင်စပ်ယှက် ဆက်ဆရာမှ ကူးစက်တတ်သော ကူးစက်ရောဂါ (STI) တစ်ခုဖြစ်ပါတယ်။

ကလိုင်မိုင်ဒီယားရောဂါရှိတဲ့လူတစ်ယောက်နှင့် မိန်းမအင်္ဂါဇာတ်၊ စအို ဒါမှမဟုတ် ပါးစပ်ဖြင့် သင် လိင်စပ်ယှက် ဆက်ဆံတဲ့အခါမှာ တကယ်လို့ သင် ကွန်ဒုံးအစွပ်ကို မသုံးရင် သင့်အနေနဲ့ ကလိုင်မိုင်ဒီယားရောဂါ ရနိုင်ပါတယ်။
သင့်အနေနဲ့ အများပြည်သူသုံးရေအိမ်သာတွေ၊ အများပြည်သူသုံးရေကူးကန်တွေ ဒါမှမဟုတ် အခြားလူတွေနဲ့ ပုံမှန်ထိတွေ့ရုံနဲ့ ကလိုင်မိုင်ဒီယားကို မရနိုင်ပါဘူး။

ယောက်ျားတွေ အတွက်
•  ယောက်ျားတွေဟာ ဆီးပြွန်ချောင်း (လိင်တံအတွင်း)၊ စအို၊ ဒါမှမဟုတ် လည်ချောင်းထဲမှာ ကလိုင်မိုင်ဒီယားကို ရပါတယ်။
• ကလိုင်မိုင်ဒီယားဟာ ယောက်ျားတွေရဲ့ ဝှေးစေ့တွေကို နာကျင်စေပြီး ရောင်စေပါတယ်၊ ပြီးတော့ သုတ်ရည်သယ်ဆောင်တဲ့ ပြွန်ချောင်းကို ကူးစက်နိုင်ပါတယ်။
မိန်းမတွေ အတွက်
• မိန်းမတွေဟာ ကလိုင်မိုင်ဒီယားကို သားအိမ်ခေါင်း၊ စအို ဒါမှမဟုတ် လည်ချောင်းတွေမှာ ကလိုင်မိုင်ဒီယားကို ရပါတယ်။ တကယ်လို့ မကုသရင် ကလိုင်မိုင်ဒီယားဟာ မိန်းမတစ်ယောက်ကို ကလေး မရနိုင်အောင် တားဆီးနိုင်ပါတယ်။
• ကလိုင်မိုင်ဒီယားရှိတဲ့မိန်းမတွေဟာ တစ်ခါတစ်ရံမှာ ကလိုင်မိုင်ဒီယားကို ကလေးမွေးဖွားစဉ် ကလေးဆီ ကူးစက်စေနိုင်ပါတယ်။ အဲဒါကြောင့် ကလေးတွေမှာ အဆုတ် ဒါမှမဟုတ် မျက်စိ ကူးစက်မှုတွေ ဖြစ်နိုင်ပါတယ်။

လူအများစုဟာ သူတို့မှာ ကလိုင်မိုင်ဒီယားရှိကြောင်း မသိကြပါဘူး၊ ဘာဖြစ်လို့လဲဆိုတော့ သူတို့တွေမှာ သင်္ကေတတစ်ခုခု ဒါမှမဟုတ် ရောဂါလက္ခဏာတစ်ခုခု မရှိလို့ပါဘဲ။
သင့်မှာ ကလိုင်မိုင်ဒီယား ရှိမရှိ သင့် ဆီးကို မြန်မြန်နှင့်လွယ်လွယ် စစ်ဆေးပေးရုံနဲ့ သိပါလိမ့်မယ်။ သင့်အနေနဲ့လည်း သင်ကိုယ်တိုင် ကလိုင်မိုင်ဒီယား စစ်ဆေးမှုကို လုပ်နိုင်ပါတယ်။
ယောက်ျားတွေ အတွက်

ယောက်ျားတွေအတွက် ကလိုင်မိုင်ဒီယားရဲ့ သင်္ကေတတွေနှင့် ရောဂါလက္ခဏာတွေဟာ-
• လိင်တံ အပေါက်ဝမှာ နီရဲတာ ဒါမှမဟုတ် နာကျင်တာ
• ဆီးသွားတဲ့အခါမှာ စပ်ဖျဉ်းဖျဉ်းဖြစ်တာ ဒါမှမဟုတ် ပူစပ်တာ
• လိင်တံကနေ အရည်ကြည်ထွက်ကျတာတို့ဖြစ်ပါတယ်။
မိန်းမတွေ အတွက်

မိန်းမတွေရဲ့ သင်္ကေတတွေနှင့် ရောဂါလက္ခဏာတွေဟာ-
• မူမမှန်တဲ့ မိန်းမအင်္ဂါဇာတ် အရည်ထွက်ကျတာ
• မူမမှန်တဲ့ သွေးထွက်ယိုစီးကျတာ (လိင်စပ်ယှက် ဆက်ဆံပြီးနောက်)
• တင်ပါးဆုံ နာကျင်တာ- လိင်စပ်ယှက် ဆက်ဆံနေစဉ်အတောအတွင်း အပါအဝင်ဖြစ်ပါတယ်
• ဆီးသွားတဲ့အခါမှာ စပ်ဖျဉ်းဖျဉ်းဖြစ်တာ ဒါမှမဟုတ် ပူစပ်တာတွေဖြစ်ပါတယ်

သင့်ဆရာဝန်ဆီက ဆေးကို ရယူပါ။
သင်နှင့်လိင်စပ်ယှက်သူတွေကို သင့်မှာ ကလိုင်မိုင်ဒီယားရှိကြောင်း ပြောပြပြီး သူတို့ကို စစ်ဆေးခိုင်းပါ။ သင်နှင့်လိင်စပ်ယှက်သူမှာလည်း ကလိုင်မိုင်ဒီယားရှိနေနိုင်ပြီး သင့်ကို နောက်တစ်ခါ ပြန်ကူးစက်စေနိုင်ပါတယ်။ သူတို့တွေဟာ အခြားသူတွေကိုလည်း ကလိုင်မိုင်ဒီယား ကူးစက်စေနိုင်ပါတယ်။
တကယ်လို့ သင်နှင့်လိင်စပ်ယှက်သူဟာ ကလိုင်မိုင်ဒီယား စစ်ဆေးမှုကို လုပ်မှာမဟုတ်ရင် သူတို့အတွက် ကလိုင်မိုင်ဒီယားဆေး အပိုပေးဖို့အတွက် သင့် ဆရာဝန်ကို ပြောပါ။
သုံးလကြာပြီးတဲ့အခါမှာ သင်နှင့်တကွ သင်နှင့်လိင်စပ်ယှက်သူ မည်သူမဆိုဟာ ကလိုင်မိုင်ဒီယား စစ်ဆေးမှုကို နောက်တစ်ခါ လုပ်သင့်ပါတယ်။

ပျောက်ကင်းနိုင်ပါတယ်။ ကလိုင်မိုင်ဒီယားကို ဆေးပြားတစ်လုံးတည်းနဲ့ ကုသ ပျောက်ကင်းနိုင်ပါတယ်။ တကယ်လို့ ကလိုင်မိုင်ဒီယားကို နောက်ကျပြီးမှ တွေ့ရှိခဲ့ရင် ကုသ ပျောက်ကင်းဖို့ ပိုမိုကြာသွားပါလိမ့်မယ်။
ကလိုင်မိုင်ဒီယား ဆေးကို သောက်သုံးပြီးနောက် တစ်ပတ်ခန့် လိင်မစပ်ယှက်ပါနှင့်။
သင်ဟာ ကလိုင်မိုင်ဒီယားကို ယခင်က ရခဲ့ပြီးတဲ့တိုင်အောင် ထပ်တစ်ခါ ရနိုင်ပါတယ်။

• သင်ကိုယ်တိုင်နှင့် သင်နှင့်လိင်စပ်ယှက်သူကို စစ်ဆေးထားပါ။ တကယ်လို့ သင့်မှာ လိင်စပ်ယှက်သူ တစ်ယောက်ထက်ပိုရှိရင် ဒါမှမဟုတ် သင်နှင့်လိင်စပ်ယှက်သူမှာ တစ်ခြားသူနှင့်လိင်စပ်ယှက်ရင် ပုံမှန်စစ်ဆေးထားပါ။ သင့်မှာ လိင်စပ်ယှက်သူ များများရှိလေ ကလိုင်မိုင်ဒီယား ရရှိမဲ့ အန္တရာယ်များလေ ဖြစ်ပါတယ်။
• ကုသထားပါ- သင်နှင့်လိင်စပ်ယှက်သူတွေဟာ စစ်ဆေးထားဖို့နှင့် ကုသထားဖို့ကိုလည်း ပြောပါ သို့မှသာ သင့်အနေနဲ့ တစ်ယောက်ကိုတစ်ယောက် ဒါမှမဟုတ် အခြားသူတွေကို ကူးစက်စေမှာ မဟုတ်ပါဘူး။
• မိန်းမအင်္ဂါဇာတ်ဖြင့်၊ စအိုဖြင့် ဒါမှမဟုတ် ပါးစပ်ဖြင့် လိင်စပ်ယှက်စဉ် ကွန်ဒုံးအစွပ်ကိုသုံးပါ။
• လိင်စပ်ယှက်သူအသစ်တွေကို သင်နှင့်လိင်မစပ်ယှက်မီ ကွန်ဒုံးအစွပ်တွေကို သုံးဖို့ပြောပါ။

• ကွန်ဒုံးအစွပ်တွေ ကိုသင် လိင်စပ်ယှက်တဲ့အခါတိုင်း သုံးပါ၊ အထူးသဖြင့် သင့်မှာ လိင်စပ်ယှက်သူအသစ်ရှိသည့်အခါဖြစ်ပါတယ်။
• တကယ်လို့ သင့်မှာ လိင်စပ်ယှက်သူတစ်ဦးထက်ပိုရှိရင် ဒါမှမဟုတ် သင့်လိင်စပ်ယှက်သူဟာ အခြားလူတွေနဲ့ လိင်စပ်ယှက်ရင် ပုံမှန် စစ်ဆေးထားပါ။ သင့်မှာ ယခင်က ရှိခဲ့တဲ့တိုင်အောင် သင့်အနေနဲ့ ကလိုင်မိုင်ဒီယားကို ထပ်တစ်ခါ ရနိုင်ပါတယ်။

သင် အကူအညီရနိုင်တဲ့သူတွေဟာ-
• ဆရာဝန်
• လိင်ဆိုင်ရာ ကျန်းမာရေး ဆေးခန်း
• အသိုင်းအဝိုင်း ကျန်းမာရေး ဝန်ဆောင်မှုဌာန
• ကလေးရအောင် စီမံရေးဌာန မိသားစု သားသမီး အရေးစီမံစင်တာ တို့ဖြစ်ကြပါတယ်။