ဂနိုကာလသားရောဂါဟာ နီဆာရီယာ ဂနိုရီယာ (Neisseria gonorrhoeae) လို့ခေါ်တဲ့ ဘက်တီးရီးယားပိုးကြောင့် လိင်စပ်ယှက်ရာမှဖြစ်တဲ့ ကူးစက်ရောဂါ တစ်ခုဖြစ်ပါတယ်။

သင်ဟာ ဂနိုကာလသားရောဂါရှိသူနှင့် မိန်းမအင်္ဂါဇာတ်၊ စအို ဒါမှမဟုတ် ပါးစပ်တို့ဖြင့် လိင်စပ်ယှက်ရာမှ ဂနိုကာလသားရောဂါရနိုင်ပါတယ်။
သင်ဟာ ဂနိုကာလသားရောဂါကို တစ်စုံတစ်ယောက်ထံမှ သူတို့မှာ ရောဂါလက္ခဏာမရှိသည့်တိုင် ရနိုင်ပါတယ်။
ကိုယ်ဝန်ဆောင်အမျိုးသမီးတစ်ယောက်ဟာ ကလေးမွေးဖွားစဉ်မှာ သူ့ကလေးကို ကူးစက်စေနိုင်ပါတယ်။ ကလေးငယ်မှာ အပြင်းအထန် မျက်စိကူးစက်မှုရနိုင်ပြီး မျက်စိကန်းလာနိုင်ပါတယ်။
သင့်အနေနဲ့ ဂနိုကာလသားရောဂါကို အများပြည်သူရေအိမ်သားတွေ၊ အများပြည်သူရေကူးကန်တွေ ဒါမှမဟုတ် အခြားလူတွေနှင့်ထိတွေ့ရုံနဲ့ မကူးစက်နိုင်ပါဘူး။

ဂနိုကာလသားရောဂါဟာ လည်ချောင်း၊ စအို၊ ဆီးပြွန် (ဆီးလမ်းကြောင်း)၊ သားအိမ်ခေါင်း (သားအိမ်အဝ) နှင့် မျက်စိတွေကို ကူးစက်နိုင်ပါတယ်။
တကယ်လို့ မကုသရင် ဂနိုကာလသားရောဂါဟာ အရေပြားနှင့် အဆစ်တွေကို ကူးစက်မှုဖြစ်နိုင်ပါတယ်။ ဂနိုကာလသားရောဂါဟာ ဦးနှောင့်အမြှေးပါးရောင်ရောဂါကို ဖြစ်စေပါတယ်။ ဦးနှောက်အမြှေးပါးရောင်ရောဂါဟာ ဦးနှောက်ကိုဖုံးအုပ်ထားတဲ့ အကာအမြှေးပါးကူးစက်မှုဖြစ်ပါတယ်။
အမျိုးသမီးတွေမှာ ဂနိုကာလသားရောဂါဟာ ပြင်းထန်တဲ့ ကူးစက်မှုဖြစ်စေပြီး ကလေးရရှိရေးကို တားဆီးပေးမှာဖြစ်ပါတယ်။
ကိုယ်ဝန်ဆောင်အမျိုးသမီးတွေဟာ ကလေးမွေးဖွားချိန်မှာ ကလေးကို ရောဂါကူးစေနိုင်ပါတယ်။ ကလေးဟာ ပြင်းထန်တဲ့ မျက်စိကူးစက်မှုရနိုင်ပြီးတော့ မျက်စိကန်းလာနိုင်ပါတယ်။

လူအတော်များများဟာ သူတို့မှာ ဂနိုကာလသားရောဂါရှိကြောင်း များသောအားဖြင့် မသိကြပါဘူး၊ ဘာလို့လဲဆိုတော့ သူတို့မှာ သင်္ကေတတွေ ဒါမှမဟုတ် ရောဂါလက္ခဏာတွေ မရှိကြလို့ဖြစ်ပါတယ်။
သူတို့တွေမှာ ဂနိုကာလသားရောဂါ ရှိမရှိ သိဖို့ တစ်ခုတည်းနည်းလမ်းဟာ စစ်ဆေးမှုလုပ်ဖို့ ဖြစ်ပါတယ်။ စစ်ဆေးမှုဟာ မြန်ပြီးလွယ်ကူတဲ့ ဆီး (သေး) စစ်ဆေးမှုတစ်ခုဖြစ်ပါတယ်။
အခြားနည်းလမ်းကတော့ ကူးစက်ခံရတဲ့နေရာက အရည်စကိုထုတ်ယူပြီး ဂနိုကာလသားရောဂါအတွက် စစ်ဆေးဖို့ဖြစ်ပါတယ်။
ဂနိုကာလသားရောဂါရဲ့ သင်္ကေတတွေနှင့် ရောဂါလက္ခဏာတွေ
ယောင်္ကျားတွေ အတွက်
• ဆီးသွားတဲ့အခါမှာ စပ်ဖျဉ်းဖျဉ်းဖြစ်တာတွေ ဒါမှမဟုတ် ပူစပ်နေတာတွေ
• လိင်တံမှ အရည်ထွက်ကျတာတွေ ထွက်ကျတဲ့အရည်ဟာ များသောအားဖြင့် အဖြူ ဒါမှမဟုတ် အဝါရောင်ဖြစ်ပါတယ်။
• ရောင်ကိုင်းပြီး နာကျင်နေတဲ့ ဝှေးစေ့တွေ
• လိင်တံအဝတစ်ဝိုက်မှာ နီရဲနေတာတွေ
• စအိုကနေ အရည်ထွက်ကျနေတာတွေ ဒါမှမဟုတ် စအို မနေသာ မထိုင်သာဖြစ်နေတာတွေ
• မျက်စိကူးစက်မှုဖြစ်တာတွေ ဖြစ်ကြပါတယ်။
မိန်းမတွေ အတွက်
• မူမမှန်တဲ့ မိန်းမအင်္ဂါဇာတ် အရည်ထွက်ကျတာတွေ
• မိန်းမအင်္ဂါဇာတ်မှ သွေးယိုစီးကျတာ
• ဆီးသွားနေစဉ် နာကျင်တာ
• တင်ပဆုံနာကျင်တာ အထူးသဖြင့် လိင်စပ်ယှက်ချိန်မှာဖြစ်ပါတယ်
• စအိုမှ အရည်ထွက်ကျတာ ဒါမှမဟုတ် စအို မနေသာ မထိုင်သာဖြစ်နေတာ
• မျက်စိ ကူးစက်မှုတွေဖြစ်တာတွေ ဖြစ်ကြပါတယ်

• သင့်ဆရာဝန်က သင့်ကို ဆေးပေးပါမယ်။
• သင်နှင့်လိင်စပ်ယှက်သူ ဒါမှမဟုတ် လိင်စပ်ယှက်သူတွေကို စစ်ဆေးထားဖို့ ပြောပါ။ တကယ်လို့ သူတို့တွေမှာ ဂနိုကာလသားရောဂါ ရှိရင် သူတို့တွေ သင့်ကို နောက်ထပ် ဂနိုကာလသားရောဂါကူးစက်စေနိုင်ပါတယ် ဒါမှမဟုတ် အခြားသူတွေကို ဂနိုကာလသားရောဂါ ကူးစက်စေနိုင်ပါတယ်။
• သင့်မှာ ဂနိုကာလသားရောဂါရှိတာကို ဘယ်သူ့တွေကိုပြောပြဖို့အတွက် သင့် ဆရာဝန်က ကူညီဆုံးဖြတ်ပေးနိုင်ပါတယ်။ သင့်ဆရာဝန်က သူတို့တွေကို ပြောပေးနိုင်ပါတယ်။
• ဂနိုကာလသားရောဂါအတွက် သင့်ရဲ့ကုသမှု မပြီးမချင်း ဘယ်သူ့နဲ့မှ ကွန်ဒုံးအစွပ် သုံးလျှင်ပင် လိင်မစပ်ယှက်ပါနှင့်။

ဂနိုကာလသားရောဂါကို ဘက်တီးရီးယားပိုးသတ်ဆေး တစ်ခုတည်းနဲ့ ကုသ ပျောက်ကင်းနိုင်ပါတယ်။
တကယ်လို့ သင် နိုင်ငံရပ်ခြားကို ရောက်ခဲ့ရင် သင့် ဆရာဝန်ကို အမြဲတမ်းပြောထားပါ။ ဘာလို့လဲဆိုတော့ ဂနိုကာလသားရောဂါ အမျိုးအစားအချို့ဟာ သြစတြေးလျနိုင်ငံမှာ အဖြစ်မများဘဲ အထူးဆေးဝါး လိုအပ်ပါတယ်။
သင့်အနေနဲ့ ယခင်က ပျောက်အောင်ကုသခဲ့ပြီးနောက်ပိုင်းမှာလည်း ဂနိုကာလသားရောဂါကို နောက်ထပ် ရနိုင်ပါသေးတယ်။

• သင် ကိုယ်တိုင်နှင့်တကွ သင်နှင့်လိင်စပ်ယှက်သူတွေဟာ ဂနိုကာလသားရောဂါ အတွက် စစ်ဆေးထားပါ။ တကယ်လို့ သင့်မှာ လိင်စပ်ယှက်သူ တစ်ဦးထက်ပိုရှိရင် ဒါမှမဟုတ် သင်ရဲ့လိင်စပ်ယှက်သူဟာ တစ်ခြားလူတွေနှင့်လိင်စပ်ယှက်ရင် ပုံမှန် စစ်ဆေးထားပါ။ သင့်မှာ လိင်စပ်ယှက်သူ များများရှိလေ၊ ဂနိုကာလသားရောဂါရဖို့ အန္တရာယ်များလေ ဖြစ်ပါတယ်။
• သင်နှင့်တကွ သင်နှင့်လိင်စပ်ယှက်သူတွေဟာ ဂနိုကာလသားရောဂါအတွက် စစ်ဆေးထားပါ သို့မှသာ သင့်အနေနဲ့ တစ်ယောက်ကိုတစ်ယောက် ဒါမှမဟုတ် အခြားသူတွေကို ဂနိုကာလသားရောဂါ မကူးစက်စေတော့ပါဘူး။
• ကွန်ဒုံးအစွပ်ကို မိန်းမအင်္ဂါဇာတ်၊ စအို နှင့် ပါးစပ်ဖြင့် လိင်စပ်ယှက်စဉ် သုံးပါ။ တကယ်လို့ သင်ဟာ အခြားလူတွေနဲ့ လိင်စပ်ယှက်ရင် သင်ရဲ့ စပ်ယှက်နေကြသူနဲ့တောင် ကွန်ဒုံးအစွပ်ကို သုံးပါ။
• လိင်စပ်ယှက်သူ အသစ်တွေကို သူတို့နှင့်သင် လိင်မစပ်ယှက်မီ ကွန်ဒုံးအစွပ်သုံးဖို့ပြောပါ။

• သင် သင့်ကုသမှု မပြီးမချင်းနှင့် သင့်မှာ ရောဂါလက္ခဏာတွေ မရှိသည်အထိ ကွန်ဒုံးအစွပ်နှင့်ပင်လျှင် တစ်ယောက်ယောက်နဲ့ လိင်မစပ်ယှက်ပါနှင့်။
• လိင်စပ်ယှက်တဲ့အခါတိုင်း အထူးသဖြင့် လိင်စပ်ယှက်သူအသစ်နဲ့ လိင်စပ်ယှက်သည့်အခါ ကွန်ဒုံးအစွပ်တွေကို သုံးပါ။
• တကယ်လို့ သင့်မှာ လိင်စပ်ယှက်သူ တစ်ဦးထက်ပိုရှိရင် ဒါမှမဟုတ် သင့်ရဲ့လိင်စပ်ယှက်သူဟာ အခြားသူတွေနှင့် လိင်စပ်ယှက်ရင် ဂနိုကာလသားရောဂါ အတွက် ပုံမှန် စစ်ဆေးထားပါ။

သင် အကူအညီရနိုင်တဲ့သူတွေဟာ-
• ဆရာဝန်
• လိင်ဆိုင်ရာ ကျန်းမာရေး ဆေးခန်း
• အသိုင်းအဝိုင်း ကျန်းမာရေး ဝန်ဆောင်မှုဌာန
• ကလေးရရှိရေး စီမံစင်တာတွေ ဖြစ်ကြပါတယ်။