‘STI’ ແມ່ນຫຍັງ?
STI ຫຍໍ້ມາຈາກຄຳວ່າ Sexually Transmissible Infections (ການຕິດເຊື້ອຈາກການຮ່ວມເພດ).
STIs ແມ່ນອາການເຈັບປ່ວຍທີ່ທ່ານຕິດເຊື້ອມາຈາກທ່ານຮ່ວມເພດ.
ຂ້ອຍຕິດເຊື້ອໂຣກ STI ໄດ້ແບບໃດ?
ແມ່ພະຍາດ STI ອາໄສຢູ່ໃນຜິວໜັງ, ໃນເລືອດ ຫຼື ນ່ຳຮ່ວມເພດສຳພັນເຊັ່ນ ນ້ຳອະສຸຈິ, ນ້ຳເມືອກໃນຊ່ອງຄອດ
ທ່ານສາມາດຕິດ STI ໂດຍການຮ່ວມເພດ (ທາງອະໄວຍະວະເພດຍິງ, ທາງກົ້ນ ຫຼື ທາງປາກ) ຫຼືຈາກ ການຈັບບາຍອະໄວຍະວະເພດ.
ທ່ານສາມາດຕິດໂຣກ STI ໄດ້ຖ້າທ່ານບໍ່ໃສ່ຖົງອະນາໄມ
ໂຣກ STIs ເຮັດຫຍັງຕໍ່ຮ່າງກາຍໄດ້?
ສຳລັບແມ່ຍິງ STIs ສາມາດກໍ່ໃຫ້ເກີດ:
- ເຈັບປວດທ້ອງຢ່າງແຮງ
- ລົງຂາວຈາກອະໄວຍະວະເພດ
- ເກີດເປັນຕຸ່ມຈຸດໃກ້ອະໄວຍະວະເພດ
- ມີລູກນອກພົກ
- ລູກອອກກ່ອນກຳນົດ (ຫຼຸລູກ)
- ເດັກທາຣົກອອກມາເຈັບປ່ວຍຢ່າງໜັກ
ສຳລັບຜູ້ຊາຍ STIs ສາມາດ:
- ເຮັດໃຫ້ຜູ້ຊາຍມີລູກບໍ່ໄດ້ມີໜອງໄຫຼອອກຈາກອະໄວຍະວະເພດ
- ເປັນຈຸດຕາມອະໄວຍະວະເພດ
- ເຮັດໃຫ້ແສບເວລາປັດສະວະ (ຍ່ຽວ)
ຂ້ອຍຈະຮູ້ໄດ້ຢ່າງໃດວ່າຂ້ອຍມີ STI?
ຫຼາຍຄົນບໍ່ຮູ້ວ່າຕົນເອງມີ STI ເພາະວ່າເຂົາເຈົ້າເບິ່ງແລະຮູ້ສຶກວ່າສະບາຍດີແລະບໍ່ມີສັນຍານຫຼືອາການໃດໆສະແດງໃຫ້ເຫັນ. ວິທີດຽວທີ່ຈະຮູ້ໄດ້ແມ່ນໄປກວດ. ມີວິທີການກວດແບບຕ່າງໆສຳລັບກວດຫາ STIs ຫຼາຍໆຊະນິດ. ການກວດແບບຕ່າງໆມີດັ່ງນີ້:
- ກວດຍ່ຽວ
- ກວດເລືອດ
- ຕ້ອຍເອົາສ່ວນຈາກອະໄວຍະວະເພດເພື່ອກວດຫາເຊື້ອ
ທ່ານອາດຕ້ອງກວດແຕ່ພຽງແບບດຽວຫຼືຕ້ອງກວດໝົດທັງສາມແບບ. ທ່ານໝໍຂອງທ່ານຈະບອກໄດ້ວ່າທ່ານຕ້ອງກວດແບບໃດ.
STIs ສາມາດປິ່ນປົວ ແລະ ປົວໃຫ້ຫາຍຂາດໄດ້ບໍ?
STIs ບາງຊະນິດສາມາດປິ່ນປົວໄດ້ຢ່າງງ່າຍແລະວ່ອງໄວດ້ວຍຢາ. ບາງຊະນິດກໍປິ່ນປົວໄດ້ແຕ່ບໍ່ຫາຍຂາດ.
ທ່ານສາມາດຕິດ STI ໄດ້ໃໜ່ພາຍຫຼັງກິນຢາຈົນໜົດແລ້ວ ແລະSTI ືຖກປິ່ນປົວຫາຍຂາດແລາວ
ຂ້ອຍຄວນໄປກວດຍາມໃດ?
ທ່ານຄວນໄປກວດຫາ STI ຖ້າຫາກວ່າ:
- ທ່ານຮ່ວມເພດ (ລວມທັງການຮ່ວມເພດທາງອະໄວຍະວະເພດຍິງ, ທາງປາກ ຫຼື ທາງກົ້ນ) ໂດຍບໍ່ໃສ່ຖົງອະນາໄມ
- ທ່ານມີອາການຢ່າງໃດຢ່າງໜຶ່ງ
- ທ່ານມີຄວາມກັງວົນກັບສຸຂະພາບທາງເພດຂອງທ່ານ
- ທ່ານຄິດວ່າທ່ານອາດຕິດເຊື້ອ STI ແລ້ວ
- ຖົງອະນາໄມຂອງທ່ານຂາດຫຼືຫຼຸດອອກໃນລະຫວ່າງຮ່ວມເພດ
- ທ່ານເອງຫຼືຄູ່ຄອງຂອງທ່ານຮ່ວມເພດກັບຄົນອື່ນ
- ທ່ານເອງຫຼືຄູ່ຄອງຂອງທ່ານທີ່ຜ່ານມາໄດ້ຮ່ວມເພດກັບຄົນອື່ນໆ
- ທ່ານໃຊ້ເຂັມ, ເຂັມສັກຢາ, ບ່ວງທີ່ໃຊ້ສັກຢາເສບຕິດຮ່ວມກັນ
- ທ່ານເລີ່ມມີຄວາມສຳພັນທາງເພດກັບຄົນໃໝ່.
ການກວດ STI ແມ່ນຫຍັງ?
ມັນແມ່ນການກວດທີ່ໄວ, ບໍ່ເຈັບ ແລະ ປົກກະຕິແມ່ນກວດຟຣີ. ການກວດໃຫ້ຜູ້ຊາຍກັບແມ່ຍິງແມ່ນມີແບບກວດຕ່າງກັນ. ທ່ານໝໍຫຼືພະຍາບານຈະເກັບເອົາພາກສ່ວນນ້້ອຍໆຂອງນ້ຳແຫຼວໃນຮ່າງກາຍ ເຊັ່ນ ນ້ຳປັດສະວະ (ຍ່ຽວ), ນ້ຳລາຍ, ນ້ຳເມືອກໃນຊ່ອງຄອດ, ຫຼື ເລືອດ. ການກວດບາງຢ່າງທ່ານກໍເຮັດເອງໄດ້.
ໃຊ້້ເວລາປະມານ 1 ຫາ 2 ອາທິດຈຶ່ງໄດ້ຜົນການກວດ
ຜົນການກວດຂອງຂ້ອຍບອກວ່າເປັນຜົນ ‘ບວກ’. ຂ້ອຍຈະເຮັດຢ່າງໃດ?
ຜົນກວດ ‘ບວກ’ ໝາຍຄວາມວ່າທ່ານມີເຊື້ອ STI. ທ່ານໝໍຈະສັ່ງຢາໃຫ້ທ່ານເຊິ່ງເປັນແບບທີ່ໄວແລະງ່າຍຕໍ່ການໃຊ້.
ໂປດຈຳໄວ້ວ່າ, STIs ບາງຊະນິດປິ່ນປົວໄດ້ແຕ່ບໍ່ຫາຍຂາດ.
ຂ້ອຍຕ້ອງບອກໃຜບໍວ່າຂ້ອຍມີ STI?
ທ່ານຄວນບອກຄູ່ຮ່ວມເພດຂອງທ່ານ, ແລະຄູ່ຮ່ວມເພດຂອງທ່ານຄວນໄປກວດເຊັ່ນກັນ. ຖ້າຄູ່ຮ່ວມເພດຂອງທ່ານບໍ່ໄດ້ກວດແລະບໍ່ໄດ້ກິນຢາ, ທັງຄູ່ກໍຈະແພ່ເຊື້ອ STI ໃຫ້ ກັນບໍ່ແລ້ວບໍ່ເລີກ.
ຖ້າທ່ານບໍ່ສາມາດບອກຄູ່ຮ່ວມເພດຂອງທ່ານໃຫ້ໄປກວດຫຼືປິ່ນປົວ, ຈົ່ງຂໍໃຫ້ທ່ານໝໍຂອງທ່ານຫຼືພະຍາບານເປັນຄົນບອກໃຫ້. ພວກເຂົາເຈົ້າຈະບໍ່ບອກຄູ່ຮ່ວມເພດຂອງທ່ານກ່ຽວກັບເລື່ອງຂອງທ່ານ. ອັນນີ້ເອີ້ນວ່າ ‘ການຕາມຮອຍຫາເຄົ້າ’.
ທ່ານບໍ່ຕ້ອງບອກ
- ຫົວໜ້າ
- ເພື່ອນຮ່ວມງານ
- ເພື່ອນຝຸງ
- ຄອບຄົວ
ຂ້ອຍຈະເຮັດຢ່າງໃດຈຶ່ງຈະໝັ້ນໃຈໄດ້ວ່າຂ້ອຍຈະບໍ່ແພ່ເຊື້ອ STI ໃຫ້ຄົນອື່ນ?
- ຢ່າຮ່ວມເພດຈົນກວ່າວ່າຕົວທ່ານແລະຄູ່ຮ່ວມເພດຂອງທ່ານກິນຢາຈົນໝົດຊຸດແລ້ວ
- ໃຫ້ໃຊ້ຖົງອະນາໄມ
ຂ້ອຍຈະຫຼີກເວັ້ນການຕິດເຊື້ອ STI ໄດ້ຢ່າງໃດ?
ວິທີທີ່ດີທີ່ສຸດໃນການຫຼີກເວັ້ນບໍ່ໃຫ້ຕິດເຊື້ອ STI ແມ່ນໃຫ້ໃຊ້ຖົງອະນາໄມທຸກຄັ້ງທີ່ທ່ານຮ່ວມເພດ.